Ferðasaga frá Suður-Evrópu

Fjölskyldan skellti sér í 2ja vikna frí til ítalíu og Frakklands um páskana. Við vorum eina viku í bungalow vid gardavatnið og eina viku i litlum sumarbústað vid Frönsku rivieruna. Ég er búin ad opna eina myndasíðu
þar sem komnar eru nokkrar myndir. Meira bætist við eftir tækifærum. Ég mun henda ferðasögunni hérna inn eftir efnum en í stórum dráttum var hún svona:

Við flugum til Mílanó og tókum bílaleigubíl á aðalbrauta-stöðinni (stazio centrale)og keyrðum sem leið lá til Gardavatnsins. Við vorum eina viku á stóru ferðamanna-svæði sem heitir Bella Italia, sem er blanda af tjaldsvæði, sumarhúsum og íbúðum. Aðbúnaðurinn var glæsilegur með öllu sem hugurinn girnist, fjölmargar sundlaugar, veitingastaðir og leiksvæði. Bella Italia liggur í útjaðri smábæjar sem heitir Peschiera del Garda
og liggur skemmtileg gönguleid meðfram vatninu til bæjarins. Bærinn er virkilega huggulegur med mjóum strætum sem liggja þvers og kruss um gamla hlutann. Bærinn er byggður innan hárra borgarmúra sem eru umlyktir breiðu síki.
Vid notuðum vikuna vid gardavatnið til ad slappa af í sólinni og heimsækja þá fjölmörgu sögufrægu staði sem þarna eru.

Við fórum á markað í Bardolino, í skemmtigarðinn Gardaland, hringferð um vatnið, í bæjarferðir, út ad borða, skoðuðum kastala, keyrðum um fjallgarðana og slöppuðum af við sundlaugina, sem sagt allt sem góðu fríi tilheyrir.
Þad verður ad nefna ítalska ísinn sem einn af hápunktum ferðarinnar. Bragðtegundirnar eru fjölmargar og erfitt ad halda sér frá þessum fræga ís sem nefnist "gelato" á móðurmálinu, algert gómsæti!

Þad var gaman ad keyra mjóu vegina sem voru skornir inní granítklettana og í gegnum gömlu þorpin sem héngu utan í fjallshlíðunum. Bæirnir vid Gardavatnid eru virkilega heillandi med sínu mjóu strætum og spennandi bæjarrýmum, sem finnast hingað og þangað. Ítalirnir eru mjög kurteisir og lausir vid allan rembing og þarna væri gaman ad fara aftur og vera lengur. Þarna í grenndinnni er fjölmargt ad skoöa s.s. Feneyjar, Verona og Alpana.


Þegar vikunni lauk tókum vid föggur okkar saman og keyrðum í átt til Frönsku rivierunnar. Vid keyrðum í gegnum Mílanó, Alessandria, Geonova, San Remo, Monaco, Nice, Cannes og enduðum í smábæ sem heitir Frejus. Frejus er bær sem er frægur fyrir hinar fjölmörgu mynjar frá rómverska heimsveldinu, t.d. hringleikahús, brýr og þess háttar. Frejus liggur í Var sem er svædi í Provence héraðinu sögufræga. Þar vorum vid á ferðamannasvæði sem heitir La Palmeraie. Svæðið var gríðarstórt eins og Bella Italia og á staðnum var allt til alls. Sundlaugarsvæðið var sérlega glæsilegt med fjölmörgum laugum og rennibrautum. Pálmatrjám var plantað um allt og gaf það svæðinu framandi yfirbragð. Við fengum reyndar lítið sjokk yfir verðlaginu á svæðinu og reyndum að halda vel um budduna. Á medan dvölinni á rivierunni stóð heimsóttum við smábæina sem liggja meðfram ströndinni, sem reyndar eru ad drukkna í glæsivillum sem hafa sprottið upp eins og gorkúlur um allar trissur. Veðrið lék við okkur med mjög ánægjulegum hitatölum og flatmöguðum við á ströndinni eða við sundlaugarbakkan í mesta hitanum. Ég og Karen keyptum okkur græjur til ad "snorkla" eda kafaragleraugu, froskalappir og svona öndunarpípu og syndum við innan um smáfiska og kóralrifa í volgum sjónum. Við heimsóttum Cannes, Antibes, St Tropez, Port Grimaud, St. Raphael, st Aygulf og Agay og allstaðar var lúxuslífið áberandi med glæsivillum og -bílum.
Við keyrðum um fjallgarð sem heitir Massif d´esterel og er mjög sérstakt náttúrufyrirbrigði med auðugu dýralífi, s.s. margar snákategundir, hirti og villisvín. Vid skoðuðum rómverskar rústir, fórum á sædýrasafnið Marineland í Antibes, kíktum á markað í St. Aygulf og fórum í útsýnisferðir.

Við nutum lífsins og slöppudum meira af í Frakklandi en á Ítalíu. Umferðin var frekar mikil og þurftum við stundum frá að hverfa þegar við ætluðum í bíltúr meðfram ströndinni. Sérstaklega var umferðin til St. Tropez yfirþyrmandi á köflum. St. Tropez er leikvöllur fræga fólksins og höfnin þar yfirfull af ærandi stórum lúxussnekkjum. En annars voru einstaka bæir trúir uppruna sínum að einhverju leyti og höfðu ad geyma ekta Provence stemningu. Provence héraðið er grídarlega spennandi og mikið af áhugaverðum stöðum ad skoda. Þad er þess vegna engin leið til ad komast yfir ad heimsækja alla staðina í einni ferð og kannski ekki fýsilegt heldur. Við munum fara þarna aftur og heimsækja meira svæðið inni í landinu þar sem miðaladarþorpin bjóda uppá ekta Provence stemningu.

Rivieran er heillandi en mikið ferðamannasvæði og prísuðum vid okkur sæl yfir því ad vera þarna í lok apríl frekar en um mitt sumarið yfir há annatímann.


Á leiðinni til baka til Milano fórum við til Monaco. Þarna náði lúxusin algeru hámarki. Í monaco búa hinir vidbjódslega ríku í skattaparadís ad hætti Hannesar Hólmsteins. Þarna voru Ferrari bílar á hverju strái og húsin límd utan í snarbratta klettana. Glæsisnekkjurnar í höfninni voru á stærd við litla togara.
Við gengum um göturnar og fengum okkur pizzu í boði Karenar Emblu áður en við keyrdum síðasta spölin til Milano þar sem við fórum um borð í Airbus flugvél frá SAS. Flugferðin byrjaði med miklum hristing og látum sem var videigandi endir á mjög svo stressandi síðdegi. Vid lentum fyrir mistök inni í miðborg Milano í algeru traffik-kaosi og svarfblár himininn helltist yfir okkur med þrumum og eldingum. En að sjálfsögdu komumst við heim til Köben að lokum og lögdumst þreytt til hvílu í eigin rúmum.

Bless.